Қазақстандағы туризм түрлері. Қазақстан туризм саласында шетел азаматтары арасында барған сайын танымал болып келе жатқандықтан, олар үшін белсенді әрі пайдалы демалудың барлық жағдайы жасалуда. Қазақстанда туризмнің бірнеше бағыты бар. Мысалы, соңғы жылдары республикада іскерлік туризмнің танымалдығы артты.
- Бірінші туризм түрі — іскерлік туризм. Қазақстандағы іскерлік туризм қарқынды дамып келеді, өйткені Республика түрлі халықаралық көрмелер мен іс-шаралардың орталығына айналуда. 2011 жылы Қазақстан Алматы мен Астана қалаларында Қысқы Азия ойындарын қабылдады. Мемлекет астанасында ықтимал туристер бола алатын көптеген шетелдік қызметкер тартылатын аса маңызды халықаралық келіссөздер мен отырыстар жиі өткізіледі. Әрі соңғы жылдары Қазақстан туралы өте көп айтыла бастады, бұл адамдарды іскерлік және басқа да туризмге тартады.
- Екінші Қазақстандағы туризм түрі. Бұл Қазақстандағы сауықтыру туризмі, ол да танымал болып келеді әрі осы саланы дамыту басымдықтарының қатарына кіреді. Мұның бәрі Қазақстан аумағында өзінің емдік қасиеттерімен әйгілі көздердің жұмыс істейтіндігінен. Республикада бірнеше бальнеологиялық курорт, емдік гидрокарбонатты-натрийлі минералды сулар бар. Мұндай курорттар Ресей мен Германия азаматтары және басқа да шет мемлекеттер арасында өте танымал.
- Үшінші туризм түрі — танымдық туризм. Жоғарыда айтылғандай, Қазақстанды барған сайын көбірек танып келеді, сондықтан мәдениетті бағалайтындарға Орталық Азия мемлекетінің көне қалалары мен көне мәдениетіне есік ашылады. Мұнда құнды тарихи сәулет ескерткіштері шоғырланған. Мысалы, көне дәуірдің тарихи құрылыстарымен Түркістан мен Сайрам қалалары әйгілі.
- Қазақстандағы спорттық туризм — ол да танымал, бірақ жаздан гөрі қыста көбірек. Өйткені Қазақстанда әлемдік деңгейдегі таулы шаңғы курорттары орналасқан, ал Шымбұлақ таулы шаңғы курорты тіпті планетадағы ең үздік 15 таулы шаңғы курортының ТОП тізіміне кіреді, айтпақшы алғаш рет емес. Қазақстанда орасан зор тау жүйесі — Тянь-Шань таулары орналасқан. Олар кәсіби тау бөктеріне көтерілушілер мен таулы шаңғымен сырғанауды сүйетіндер арасында өте танымал.