Талдау жылу есептегіш құралдары жоқ тұрғындарға қатысты. Оларға нақты тұтыну бойынша емес, нормативтер бойынша төлем есептелген.
Өткен қыстың ауа райы жағдайларына байланысты ақшаның бір бөлігін қайтару қажет. Қайта есептеудің жалпы сомасы ҚҚС-пен 25,7 млн теңгені құрады.
Жылумен қамтамасыз ету ұйымдары 20 шілдеге дейін қайта есептеуді жүргізуге міндетті. Сома 2025–2026 жылғы маусым туралы белгісі бар түбіртектерде бөлек жолмен көрсетіледі.
Ең көп қайтару Қостанайда — 13,3 млн теңге. Жітіқарада сома 4,5 млн, Рудныйда — 3,2 млн теңгені құрайды.
Қайта есептеу тек норматив бойынша төлейтін тұтынушыларға қатысты. Жылыту маусымының нақты температуралары ескеріледі.