Бірінші келісім Commerzbank, JPMorgan Chase Bank және Standard Chartered Bank банктерімен MIGA кепілдігімен жасалды. Сомасы 780 млн долларды құрады. Екіншісі — Еуропалық инвестициялық банкпен 120 млн еуроға.
Қазақстанның Даму банкі басқармасының төрағасы Марат Елібаев қаражат көлік-логистика секторын дамытуға жұмсалатынын түсіндірді. MIGA кепілдігі негізгі қарыздың және есептелген сыйақының 95%-ын дейін қамтиды.
Банктер синдикатының қаражаты республикалық маңызы бар жолдарды орташа жөндеуге бағытталады. Жобалар Транскаспий халықаралық көлік бағыты мен «Солтүстік — Оңтүстік» дәлізінің учаскелерін қоса алғанда, 17 облысты қамтиды.
ЕИБ қаражаты Орта дәліз шеңберіндегі жол инфрақұрылымы, порттар және логистика саласындағы жобаларға пайдаланылады. Іске асыру жолдардың сапасы мен қауіпсіздігін арттыруға, жол жүру уақытын және апаттылық деңгейін қысқартуға, сондай-ақ жаңа жұмыс орындарын құруға мүмкіндік береді.
Мемлекет басшысының Брюссельге сапары барысында барлығы 31 құжатқа қол қойылды, оның 21-і 12,1 млрд доллар сомасындағы жобаларды қарастырады. Қазақстан және Еуропалық одақ сондай-ақ бірлескен мәлімдеме қабылдады.